Office Info:

Follow us:

အလုပ်ဖြစ်အောင် PLAN ဘယ်လိုချမှတ်ကြမလဲ?

ကျွန်တော်တို့ မိတ်ဆွေတို့ဘဝမှာ Plan တွေမျိုးစုံ ချခဲ့ဘူးကြပါလိမ့်မယ်။

ဘယ်နေ့မှာ ဘာလုပ်မယ်၊ ဘယ်အချိန်မှာ ဘာလုပ်မယ်ဆိုတဲ့ Plan တွေချဖူးကြမှာပါ။

သို့သော်လည်း မိမိ Plan အတိုင်းလုပ်ဖြစ်တာက ပထမ ၁ရက် ၂ရက် (သို့) ၁ ပတ်၊ ၂ ပတ်လောက်သာ ကြာပြီး နောက်တော့လည်း ဒုံရင်းပဲ ပြန်ဖြစ်သွားတာမျိုးလည်း ဖြစ်ဖူးကြပါလိမ့်မယ်။

ဒီဆောင်းပါးလေးမှာတော့ ကိုယ့်ရဲ့ Plan တွေကို ရှင်းရှင်းလင်းလင်းနဲ့ အလုပ်ဖြစ်အောင် ဘယ်လိုဆွဲရမလဲဆိုတာလေးကို ဖော်ပြပေးသွားမှာပဲဖြစ်ပါတယ်။

၁။ မိမိလုပ်စရာရှိတဲ့ အလုပ်တွေ အကုန်လုံးကိုချရေးပါ။

ဒီလိုရေးချလိုက်ခြင်း စိတ်ကိုတော်တော် ပေါ့ပါးသွားစေသလို မိမိလုပ်ရမယ့် အလုပ်တွေကိုလည်း ရှင်းရှင်းလင်းလင်း မြင်သာသွားစေပါတယ်။ အသေးအဖွဲ့ကအစ ချရေးလိုက်ပါ။

၂။ လုပ်ရမယ့် အလုပ်တွေကို အုပ်စုခွဲလိုက်ပါ။

ခေါင်းစဉ်လေးတွေ ခွဲပြီး အုပ်စုလေးတွေဖွဲ့လိုက်ခြင်းဟာ မိမိ Planကို ရှင်းရှင်းလင်းလင်း ဖြစ်စေဖို့ အကူအညီပေးပါလိမ့်မယ်။

၃။ ဦးစားပေးနံပါတ်လေးတွေ တပ်လိုက်ပါ။

အုပ်စုလေးတွေဖွဲ့ပြီးသွားရင်တော့ အရေးကြီးတဲ့အုပ်စု၊ အရေးသိပ်မကြီးတဲ့ အုပ်စုတွေကို နံပါတ်လေးတွေတပ်ပြီး ဦးစားပေးစာရင်းတစ်ခု ပြုစုလိုက်ပါ။ ဒါမှသာ ကိုယ့်အတွက် အရေးမကြီးတဲ့ အလုပ်တွေနဲ့ အချိန်မကုန်စေမှာဖြစ်ပါတယ်။

၄။ ပြီးစီးမည့် ခန့်မှန်းခြေ ရက်တွေနဲ့ အချိန်တွေကို ထပ်မံသတ်မှတ်ပေးပါ။

ဒီလိုသတ်မှတ်လိုက်ခြင်းဟာ ကိုယ့်အတွက် ကန့်သတ်ချက်တစ်ခု ဖြစ်သွားတဲ့အတွက် မိမိအနေနဲ့ သတ်မှတ်ရက်အတွင်း မပြီး ပြီးအောင်လုပ်ဖို့ ကိုယ့်ရဲ့ မသိစိတ်ကလှုံ့ဆော် ပေးနေမှာပဲဖြစ်ပါတယ်။ တခါတလေ ကန့်သတ်ချက်မထားပဲ လုပ်နေတဲ့ အလုပ်တွေက ဘယ်တော့ မပြီးနိုင် မစီးနိုင်ဖြစ်နတတ်ပါတယ်။ ဒါ့ကြောင့် ဒီအချက်ဟာလည်း အရေးကြီး အချက်တစ်ခုပဲ ဖြစ်ပါတယ်။

၅။ ကိုယ့် Plan ကို လေးစားပါ၊ ဖြစ်နိုင်သလောက် အတိအကျလိုက်နာပါ။

တရက်တာ အလုပ်တွေက အစပြုလို့ အသေးစိတ် လိုက်နာကျင့်သုံးခြင်းဟာ ကိုယ့်ကိုကိုယ် လေးစားရာရောက်သလို ကိုယ့်ကိုကိုယ် ယုံကြည်မှုလည်း တိုးပွားလာစေပါတယ်။ ကိုယ့်ကိုကိုယ်တောင် လေးစားမှု၊ ယုံကြည်မှုမရှိရင် တခြားသူတွေရဲ့ လေးစားယုံကြည်မှုကို ရရှိဖို့ဆိုတာ မလွယ်ကူတဲ့ အရာတစ်ခုပါ။

ဖော်ပြခဲ့အချက်လေးတွေကို အချိန် ၁၅ မိနစ်၊ နာရီဝက်လောက်ပေးပြီး ရေးဆွဲကြည့်လိုက် တကယ်အကျိုးထူးတာ သိသာလာပါလိမ့်မယ်။

Our Strong Partners